網站點解冇價錢？
呢個網站唔列出任何物業價錢。官方價單可以喺一手住宅物業銷售資訊網查閱；想要最新價單，WhatsApp 或者微信搵我就得。
真係只需$100印花稅？
由2025年2月26日起，樓價400萬或以下嘅住宅物業，從價印花稅只需$100。唔係全部單位都喺400萬以內，超過400萬就按稅階計。撤辣之後，唔分首置、非首置或公司名義，都用同一套稅階。
收租點解揀新樓，唔揀舊樓？
市面好多舊樓已經有40至50年樓齡，一般銀行用「75減樓齡」計最長按揭年期，50年樓大約只做到25年。The Boundary 係全新現樓，收十年租佢都只係十年樓；將來轉手，下手買家做按揭亦冇舊樓咁多限制。
現樓有咩好處？
睇得到真實單位同景觀，成交後就可以即刻放租或者入住，唔使等樓花期。
有咩間隔？幾大？
全幢58伙：開放式38伙、1房（開廚）20伙，實用面積187至261呎（包括露台）。
邊啲單位有平台或天台？
3樓三伙都連平台（35至169呎）；25樓A單位連135呎平台；26樓A、B單位分別連227呎同139呎天台，26樓層與層之間高度達4米。
有冇會所？
2樓設住客會所655呎，另有912呎有蓋及園景遊樂地方。
交通方便嗎？
步行約9分鐘到深水埗站、約13分鐘到南昌站；南昌站1個站到柯士甸站轉高鐵香港西九龍站，3個站到香港站。
管理公司係邊間？
根據公契擬稿，管理人為萊坊有限公司，首任任期2年；管理費按金相當於3個月管理費，不可退還但可以轉讓。
屬於邊個校網？
小學32校網，中學油尖旺校網。